Веб-порталдың барлық пайдаланушыларына!

Ұлттық әл-ауқат қоры мен Ұлттық әл-ауқат қоры ұйымдарын қоспағанда, квазимемлекеттік сектордың жекелеген субъектілерінің сатып алуын жүзеге асыру қағидаларына (бұдан әрі – Қағидалар) сәйкес 2022 жылғы 2 тамызда (ҚР Қаржы министрінің м.а. 2022 жылғы 18 шілдеде № 729 бұйрығымен бекітілген) мынадай пысықтаулар өнімді ортаға ауыстырылды:

- Тендер тәсілімен сатып алуға қатысуға өтінімдерді қабылдау мерзімін өзгерту бөлігінде.

Әлеуетті өнім берушілердің тендерге қатысуға өтінімдерді ұсынудың соңғы күнінің мерзімі кемінде күнтізбелік он күнді құрайды.

- Тендерлік құжаттама жобасын алдын ала талқылау хаттамасында әлеуетті өнім берушілердің өтінімдерін қабылдау мерзімі туралы ақпаратты өзгерту бөлігінде,

- тендерлік құжаттаманы өзгерту бөлігінде (42-тармақ алынып тасталды және 46-тармақ өзгертілді),

- МС емес ТШЖБКА сатып алуды құру кезінде жоспарлардың тармағын құру бөлігінде (Қағидалардың 287-тармағының 9), 33), 35) тт. алынып тасталды, Қағидалардың 287-тармағының 11), 15), 20), 27) тт. жаңартылды),

- елішілік құндылықты қалыптастыру бөлігінде (Қағидалардың                               32-қосымшасына сәйкес),

- шарттың орындалуын қамтамасыз ету бөлігінде МС емес электрондық дүкен (Қағидалардың 316-тармағына сәйкес),

- коммерциялық ұсыныстарға сұрау салуды қалыптастыру бөлігінде (Қағидалардың 19-қосымшасына сәйкес),

- қорларды басқа жаққа жіберуге электрондық жүкқұжатты қалыптастыру бөлігінде (Қазақстан Республикасының бухгалтерлік есеп туралы заңнамасына сәйкес келтірілген),

- электрондық актіні қалыптастыру бөлігінде (Қазақстан Республикасының бухгалтерлік есеп туралы заңнамасына сәйкес келтірілген),

- МС емес электрондық дүкен арқылы сатып алу туралы есепті қалыптастыру бөлігінде (Қағидалардың 21-1-қосымшасына сәйкес).