Веб-порталдың барлық пайдаланушыларына!

Қаржы министрінің 2022 жылғы 23 ақпандағы №206 бұйрығымен Қаржы нарығын реттеу және дамыту агенттігімен келісу бойынша өнім берушінің азаматтық-құқықтық жауапкершілігін сақтандырудың үлгілік шарты бекітілді (Әділет министрлігінде 2022 жылғы 28 ақпанда №26971 болып тіркелді).
Қазақстан Республикасының «Мемлекеттік сатып алу туралы» Заңының 43-бабына сәйкес сақтандырудың үлгілік шарты мемлекеттік сатып алу туралы шарттың орындалуын қамтамасыз ету және авансты қамтамасыз ету түрлерінің бірі болып табылады.
Осылайша, шарттың орындалуын қамтамасыз етудің осы түрін мемлекеттік сатып алуға қатысушылар мемлекеттік сатып алуға қатысу кезінде пайдалана алады.
Бұл ретте, мемлекеттік сатып алу туралы шарттың орындалуын қамтамасыз ету және авансты қамтамасыз етудің осы түрін пайдалану бекітілген нысанға сәйкес жүзеге асырылуы тиіс екенін атап өтеміз.
Аталған бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Бұйрықтың мәтінімен осында танысуға болады.