Веб-порталдың барлық пайдаланушыларына!!

2021 жылғы 15 қарашада Мемлекет басшысы Мемлекеттік сатып алу туралы заңнамаға бірқатар тұжырымдамалық өзгерістер енгізуді көздейтін заңға қол қойды, ол 2022 жылғы 1 қаңтардан бастап күшіне енді.
«Мемлекеттік сатып алу туралы» Заңның 39-бабы 3-тармағының 42) тармақшасына сәйкес, мемлекеттік сатып алу туралы шартты тікелей жасасу арқылы бір көзден алу тәсілімен мемлекеттік сатып алу егер біртекті тауарлардың, жұмыстардың, көрсетілетiн қызметтердің құндық мәндегі жылдық көлемі республикалық бюджет туралы заңда тиісті қаржы жылына белгіленген айлық есептік көрсеткіштің үш мың еселенген мөлшерінен аспаса, аудандық маңызы бар қалалар, ауылдар, кенттер, ауылдық округтер әкімдері аппараттарының осындай біртекті тауарларды, жұмыстарды, көрсетілетiн қызметтерді сатып алу.
Осылайша, 2022 жылғы 1 қаңтардан бастап көрсетілген норма шеңберінде аудандық маңызы бар қалалар, ауылдар, кенттер, ауылдық округтер әкімдері, егер осындай біртекті тауарлардың, жұмыстардың, көрсетілетін қызметтердің жылдық көлемі құндық мәнде 3000 еселенген АЕК-тен аспаса, бір көзден алу тәсілімен сатып алуға жол беріледі.
Бұдан басқа, қабылданған түзетулер шеңберінде «Электрондық дүкен» жаңа тәсілі - әлеуетті өнім берушілер тауарлар мен олардың бағалары туралы ақпаратты орналастыратын мемлекеттік сатып алу веб-порталымен интеграцияланған бірыңғай ақпараттық жүйе енгізілді.
Электрондық дүкен арқылы мемлекеттік сатып алу жалпы құны 4000 АЕК-тен аспайтын біртекті тауарларға жүргізіледі.
Бұл ретте, Мемлекеттік сатып алу саласындағы бірыңғай оператор – «Электрондық қаржы орталығы» АҚ ақпараттық жүйе OMarket.kz белгіленген тәртіппен электрондық дүкен анықтаған.
Электрондық дүкеннің функционалдығына қысқаша шолу мына сілтеме бойынша орналастырылған.