Назар аударыңыз! Барлық әлеуетті өнім берушілерге!

Қаржы министрінің 2015 жылғы 11 желтоқсандағы № 648 бұйрығымен бекітілген Мемлекеттік сатып алуды жүзеге асыру қағидаларына сәйкес
(бұдан әрі – Қағидалар), мемлекеттік сатып алу веб-порталында әлеуетті өнім берушілердің жұмыс тәжірибесінің болуын растайтын мәліметтер мен құжаттарды қамтитын электрондық депозитарий қалыптастырылады.

Электрондық депозитарийді қалыптастыру және жүргізу тәртібі Қағидалардың 14-тарауында айқындалған.

Әлеуетті өнім берушілердің электрондық депозитарийге соңғы он жылдағы, оның ішінде ағымдағы жылдағы жұмыс тәжірибесін растайтын мәліметтер мен құжаттарды енгізу туралы өтінімдерін әлеуетті өнім беруші қалыптастырады және веб-портал арқылы береді.

Әлеуетті өнім берушінің соңғы он жылдағы, оның ішінде ағымдағы жылдағы жұмыс тәжірибесін растайтын мәліметтер мен құжаттарды уәкілетті органның ведомствосы және оның аумақтық бөлімшелері олардың анықтығы расталғаннан кейін электрондық депозитарийге енгізеді.

Бұған дейін 2021 жылғы 1 шілде мен 31 тамыз аралығындағы, сондай-ақ 2021 жылғы 7 қыркүйек пен 30 қыркүйек аралығындағы кезеңде әлеуетті өнім берушілерге орындалған жұмыстар жөніндегі мәліметтерді дербес түзету бойынша мүмкіндік берілген болатын.

Әзірленген тәсілдерге сәйкес электрондық депозитарийге енгізілген әлеуетті өнім берушілердің жұмыс тәжірибесін растайтын құжаттарды верификациялауға (тексеруге) мынадай шарттарға сәйкес келетін мәліметтер келіп түседі:

- 2014 жылдан кейін салынған объектілер, мұнда тапсырыс берушілер МО (ММ, РММ, КММ) болып табылады;

- лицензияланатын қызметтердің кіші түрлері толықтырылған, «Расталды» мәртебесі бар барлық мәліметтер (бұрын расталған ҚК мәліметтері);

- «Расталды» мәртебесі бар мемлекеттік органдар мен ұйымдардың растауына сұрау салулары бар барлық мәліметтер.

Жұмыс тәжірибесін растайтын мәліметтер мен құжаттардың дұрыстығын айқындау мақсатында веб-порталда «Тексерілді. Расталған» жасыл түспен көрінеді. Жақын арада «Расталған» мәртебесі бар мәліметтер де жасыл түспен боялатын болады.

Мұндай мәліметтер (жасыл түспен боялған) өтінім берген кезде жеңімпазды анықтаудың автоматтандырылған есебіне көшу кезеңіне дейін мемлекеттік сатып алуды есепке алу және қолдану үшін міндетті болады.

Бұл ретте, электрондық депозитарийге енгізілген жаңа мәліметтерді қоспағанда, верификациядағы жұмыс тәжірибесін растайтын мәліметтер, сондай-ақ верификация қорытындылары бойынша «Қабылданбаған» мәртебесін алған жұмыс тәжірибесін растайтын мәліметтер 2021 жылғы 31 желтоқсанға дейін оларды конкурсқа қатысуға өтінімдерде қолдану үшін қолжетімді болады.

Өз кезегінде, электрондық депозитарийге енгізілген әлеуетті өнім берушінің жұмыс тәжірибесін растайтын құжаттарды верификациялау (тексеру) 2021 жылғы 31 желтоқсанда аяқталатынын еске саламыз.

Осыған қарай, 2022 жылғы 1 қаңтардан бастап верификация (тексеру) жүргізілмеген орындалған жұмыстар жөніндегі мәліметтер оларды конкурсқа қатысуға өтінімге қосу үшін қолжетімсіз болады.

Осыған байланысты, әлеуетті жеткізушілерден Қағидалардың
453-454-тармақтарында көрсетілген тұлғалардың орындалған жұмыстар бойынша мәліметтерді растау жөніндегі жұмысты жандандыруды сұраймыз.