Тауарлардың электрондық каталогы
Назар аударыңыз! Қосымшамен байланыс жасау үзілді. Қайта қосуды күтіңіз.
Тауарларды жеткізушілерге!
Мемлекеттік сатып алуды жүзеге асыру қағидаларына сәйкес (31.01.2020 ж. №92 бұйрығымен енгізілген өзгерістерді ескере отырып, Қазақстан Республикасы Қаржы министрінің 2015 жылғы 11 желтоқсандағы № 648 бұйрығы) 01.06.2020 ж. бастап тармақтың қолданысқа енгізілетінін хабарлаймыз.
19) тауарлардың электрондық каталогы – интернет-дүкендер арқылы әлеуетті өнім берушілер ұсынатын тауарлар туралы мәліметтер орналыстырылатын веб-порталмен интеграцияланған ақпараттық жүйе.
«Электрондық қаржы орталығы» АҚ мемлекеттік сатып алу Біріңғай операторы (бұдан әрі – ЭҚО АҚ) «пилоттық» жоба ретінде, 31.12.2020 ж. дейін мемлекеттік мекемелердің сатып алуларының электронды Каталогы ретінде www.omarket.kz электронды алаңында отандық өнім беруші «Электронды коммерциялық орталығы» ЖШС жеңімпаз ретінде баға ұсыныстарына сұрау тәсілімен тауарлардың электрондық каталогына қатынауды ұсыну бойынша қызметтерді сатып алуды бәсекелестік негізде жүзеге асырды. Каталог www.goszakup.gov.kz мемлекеттік сатып алу веб-порталымен интеграцияланды және құны 100 АЕК дейінгі тауарларды мемлекеттік мекемелердің жедел сатып алуы үшін электронды алаң болып табылады.
Анықтама үшін:
Қағиданың 378-тармағы: «..... Заңның 39-бабы 3-тармағының 42) тармақшасында көзделген негіз бойынша шартты тікелей жасасу жолымен бір көзден алу тәсілімен мемлекеттік сатып алу тауарлардың электрондық каталогынан жүзеге асырылады.
Сатып алынатын тауарлар тауарлардың электрондық каталогында болмаған не тауарды тауарлардың электрондық каталогында орналастырған әлеуетті өнім беруші шартқа қол қоюдан бас тартқан жағдайда, мұндай мемлекеттік сатып алу Заңның 39-бабы 3-тармағының 42) тармақшасына сәйкес тауарлардың электрондық каталогын пайдаланбай жүзеге асырылады.»
Жоғарыда жазылғандардың негізінде, бәсекелестікті арттыру, сатудың көлемін ұлғайту және бір көзден мемлекеттік мекемелердің тауарларын сатып алудың айқындылығын жүзеге асыру үшін – барлық әлеуетті өнім берушілерді сіздің тауарларыңыз бойынша ақпаратты www.omarket.kz электрондық каталогқа орналастыруға шақырамыз.
