Веб-порталдың барлық пайдаланушыларына!!!

Қазақстан Республикасы Президентінің «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасын іске асыру жөніндегі іс-қимыл жоспарының (Қазақстан Республикасы Президентінің 2022 жылғы 26 қарашадағы №2 Жарлығымен бекітілген) 43-тармағын орындау шеңберінде Бірыңғай сатып алу платформасы (https://zakup.gov.kz) құрылды.

Бірыңғай сатып алу платформасы – мемлекеттік органның ақпараттық жүйесі, ол мемлекеттiк сатып алудың және «Квазимемлекеттік сектордың жекелеген субъектілерінің сатып алуы туралы» Заңына сәйкес жүзеге асырылатын сатып алудың электрондық көрсетілетін қызметтеріне қол жеткiзудiң бірыңғай нүктесiн ұсынады.

Сатып алудың бірыңғай платформасын іске қосу мемлекеттік сатып алуға, квазимемлекеттік сектор субъектілерінің сатып алуларына және «Самұрық-Қазына» ҰӘҚ» АҚ компанияларының сатып алуларына қатысу үшін бірыңғай қолжетімділік нүктесін қамтамасыз етеді (goszakup.gov.kz, zakup.sk.kz, eep.mitwork.kz).  

Барлық пайдаланушыларға 2024 жылғы 10 маусымнан бастап Бірыңғай сатып алу платформасында үш тәсілмен тіркелу мүмкіндігі беріледі:

- ҚР ҰКО ЭЦҚ арқылы;

- QR-код технологияларын қолдану арқылы;

- «Гамма Технологии» ЖШС-ның ЭЦҚ арқылы.

Бұл ретте, ағымдағы жылдың соңына дейін пайдаланушылардың қолданыстағы сатып алу алаңдары арқылы авторизациялау және тіркеу құқығы сақталатынын атап өтеміз.