Тауарлардың электрондық каталогы
IOS-қа арналған қосымша 
Android-қа арналған қосымша Құрметті мемлекеттік сатып алу веб-порталының пайдаланушылары!
Ерекше тәртіпті қолдана отырып, сатып алудың барлық тапсырыс берушілері мен ұйымдастырушыларына!
«Қазақстан Республикасы Қаржы министрлігінің кейбір бұйрықтарына өзгерістер мен толықтырулар енгізу туралы» Қазақстан Республикасы Қаржы министрінің 2024 жылғы 29 наурыздағы №168 бұйрығына сәйкес, (Премьер-Министрдің орынбасары – Қаржы министрінің 2023 жылғы 20 маусымдағы № 686 бұйрығымен бекітілген) Ерекше тәртіпті қолдана отырып, мемлекеттік сатып алуды жүзеге асыру қағидаларына (бұдан әрі – Қағидалар) өзгерістер енгізілді.
Аталған бұйрық алғашқы ресми жарияланған күннен кейін (2024 жылғы 14 сәуірден бастап) күнтізбелік он күн өткен соң қолданысқа енгізіледі.
Мәселен, Қағидалардың 16-1-тармағына сәйкес, «Мемлекеттік сатып алуды жүзеге асыру кезінде ұлттық режимнен алып тастауды белгілеу қағидаларын бекіту туралы» Қазақстан Республикасы Үкіметінің 2015 жылғы 31 желтоқсандағы №1178 қаулысына сәйкес Қазақстан Республикасы Үкіметінің шешімімен ұлттық режимнен алып қою белгіленген тауарларды сатып алу бойынша конкурс тауарларды, жұмыстарды және көрсетілетін қызметтерді отандық өндірушілер тізіліміндегі жеке және заңды тұлғалар арасында жүзеге асырылады.
«Атамекен» Қазақстан Республикасының Ұлттық Кәсіпкерлер палатасы берген Индустриялық сертификат тауарларды, жұмыстар мен көрсетілетін қызметтерді отандық өндірушілердің тізіліміндегі әлеуетті өндірушінің тауарды өндіргенін растайтын құжат болып табылады.
Тауарларды, жұмыстар мен көрсетілетін қызметтерді отандық өндірушілер тізіліміне енгізілген әлеуетті өнім берушілер арасында жүзеге асырылған сатып алу өтпеді деп танылған жағдайда, тапсырыс беруші осы Қағидаларда белгіленген тәртіппен өзге де әлеуетті өнім берушілер арасында сатып алуды жүзеге асыру туралы шешім қабылдайды.
Аталған әдістің ерекшелігін ескере отырып, тапсырыс берушілер мен ұйымдастырушылар ұлттық режимнен алып тастау белгіленген тауарлар, жұмыстар мен көрсетілетін қызметтер бойынша ерекше тәртіпті қолдана отырып, сатып алуды жүргізу кезінде тиісті ақпараттық жүйелерде әлеуетті өнім берушілер туралы мәліметтерді өз бетінше тексеру арқылы жоғарыда көрсетілген талаптарды басшылыққа алуы қажет.
