Всем пользователям веб-портала!

Заңның 14-бабының 2-тармағын іске асыру шеңберінде 2024 жылғы 20 наурыздағы №207 ҚР Үкіметінің қаулысымен сенімді бағдарламалық қамтамасыз ету тізіліміне енгізілген тауарлар мен көрсетілетін қызметтерге, сондай-ақ электрондық өнеркәсіп өнімдеріне ұлттық режимнен алып тастау белгіленді.

Осыған байланысты, 2024 жылғы 20 мамырдан бастап мемлекеттік сатып алулардың веб-порталында форматтық-логикалық бақылау енгізілді. Аталған тауарлар мен қызметтерді сатып алу Қазақстан Республикасы Қаржы министрінің 2015 жылғы 11 желтоқсандағы №648 бұйрығымен бекітілген Мемлекеттік сатып алуды жүзеге асыру қағидаларының 12-тармағына сәйкес отандық тауар өндірушілер, жұмыстар мен көрсетілетін қызметтерді орындаушылар арасында жүргізіледі.

Бұл ретте, тауарды өндіруші әлеуетті жеткізушінің отандық тауар өндірушілер тізілімінде бар екенін растайтын құжат болып "Атамекен" Ұлттық кәсіпкерлер палатасы берген Индустриялық сертификат танылады.

Толық тізіліммен сілтеме арқылы танысуға болады.

ЕСКЕРТУ!

Аталған Қаулының 3-тармағының 2) тармақшасына сәйкес, уәкілетті орган – Цифрлық даму, инновациялар және аэроғарыш өнеркәсібі министрлігіне сенімді бағдарламалық қамтамасыз ету тізіліміне енгізілген тауарлар мен көрсетілетін қызметтердің, сондай-ақ электрондық өнеркәсіп өнімдерінің тізбесін ақпарат жаңартылған сайын жолдап отыру міндеті жүктелген.

Осыған байланысты, тізім ақпарат жаңартылған сайын өзектендіріліп отырады