Веб-порталдың барлық пайдаланушыларына!

«Мемлекеттік сатып алу туралы» Заңның 14-бабының 2-тармағына сәйкес Қазақстан Республикасының Үкіметі конституциялық құрылыстың негіздерін қорғау, елдің қорғанысы мен мемлекеттің қауіпсіздігін қамтамасыз ету, ішкі нарықты қорғау, ұлттық экономиканы дамыту, отандық тауар өндірушілерді қолдау мақсатында екі жылдан аспайтын мерзімге ұлттық режимнен алып қоюды белгілеуге құқылы. 

Көрсетілген норманы іске асыру үшін Үкіметтің 2024 жылғы 19 ақпандағы № 99 қаулысымен Ұлттық режимнен (жеңіл өнеркәсіп тауарлары) алып қоюға жататын тауарлардың тізбесі бекітілді.

Осыған байланысты, порталда форматты-логикалық бақылау орнатылған, оның шеңберінде жоғарыда көрсетілген тізбеде көзделген тауарларды сатып алу, жұмыстар мен көрсетілетін қызметтерді отандық өндірушілер тізіліміндегі тауарларды өндіретін жеке және заңды тұлғалар арасында жүзеге асырылады.

Бұл ретте, «Атамекен» Қазақстан Республикасының Ұлттық кәсіпкерлер палатасы берген Индустриялық сертификат тауарларды, жұмыстар мен көрсетілетін қызметтерді отандық өндірушілердің тізіліміндегі әлеуетті өндірушінің тауарды өндіргенін растайтын құжат болып табылады.

Ұлттық режимнен алынуға жататын тауарлардың тізбесімен сілтеме бойынша танысуға болады.