Табиғи монополиялар субъектілерінің барлық өнім берушілеріне!

Мемлекеттік сатып алу туралы» Заңның (бұдан әрі – Заң) 39-бабының 4-тармағына сәйкес Мемлекеттік сатып алу туралы шартты тікелей жасасу арқылы бір көзден алу тәсілімен мемлекеттік сатып алу мемлекеттік сатып алуды жүзеге асыру қағидаларында айқындалған тәртіппен форматтық-логикалық бақылау ескеріле отырып жүзеге асырылады.

Мемлекеттік сатып алуды жүзеге асыру қағидаларының 474-тармағына сәйкес Заңның 39-бабының 3-тармағының 1) тармақшасы негізінде табиғи монополиялар салаларына жататын қызметтерді сатып алу бойынша тікелей шарт жасасу жолымен бір көзден алу тәсілімен мемлекеттік сатып алу веб-порталда белгіленген форматтық-логикалық бақылауды ескере отырып жүзеге асырылады.

Заңның 39-бабы 3-тармағының 1) тармақшасы шеңберінде тікелей жасасу жолымен бір көзден шарт жасасуға құқылы өнім берушілердің өзекті тізімі 2024 жылғы 1 қаңтардағы жай-күйі бойынша веб-порталдың басты парақшасында ФЛБ бөлімінде орналастырылған.

Бұл ретте, көрсетілген Тізімді табиғи монополия субъектісінің өнім берушісі толықтыру қажет болған жағдайда, Қаржы министрлігінің атына белгіленген нысан бойынша толтырылған мәліметті қоса ұсына отырып, өнім берушіні көрсетілген Тізімге енгізу туралы тиісті өтінішхат ұсыну қажет (нысанға сілтеме).

Сұрау салуларды қарау кезінде өнім берушінің «Табиғи монополиялар туралы» Заңға сәйкес реттеліп көрсетілетін қызметтер бойынша табиғи монополиялар субъектілерінің мемлекеттік тіркелімінде (Республикалық не Жергілікті) болуы басты шарт болып табылады.

Өтінімді қолданыстағы ақпараттық ресурстар арқылы (http://eotinish.gov.kz, documentolog.kz, eGov.kz, Қазпошта, немесе қолма-қол) Қаржы министрлігіне жолдау қажет.

Барлық туындаған сұрақтар бойынша 749365 телефонына хабарласуға болады.