Веб-порталдың барлық пайдаланушыларына!

2023 жылғы 1 қыркүйектен бастап құрылыс-монтаж жұмыстары мен жобалық-сметалық (типтік жобалық-сметалық) құжаттаманы әзірлеу жұмыстары рейтингтік-балдық жүйені қолдана отырып, конкурс тәсілімен жүзеге асырылатынын хабарлаймыз (Қазақстан Республикасы Премьер-Министрінің орынбасары – Қаржы министрінің 2023 жылғы 11 тамыздағы № 849 бұйрығы, Қазақстан Республикасы Әділет министрлігінде 2023 жылғы 17 тамызда № 33288 болып тіркелген).

Осыған байланысты, 2023 жылғы 1 қыркүйектен бастап жарияланған мемлекеттік сатып алуларда веб-порталда келесі талаптар қолданылады:

«Құрылыс-монтаж жұмыстары» және «Жобалау жұмыстары» («ЖСҚ әзірлеу жұмыстары») белгісі бар сатып алулар үшін тек «Рейтингтік-балдық жүйені қолдана отырып конкурс» тәсілі қолжетімді болады;

Құрылыс және жобалау саласындағы ЕНС ТРУ кодтарының тізбесі бойынша Индустрия және инфрақұрылымдық даму министрлігімен келісілген тізім негізінде аталған жұмыс түрлері белгілерінің және сатып алу тәсілінің дұрыс таңдалуына форматтық-логикалық бақылау орнатылған (КТРУ тізімімен «Рейтингтік-балдық жүйені қолдана отырып конкурс» тәсілі үшін мына жерде танысуға болады).