Веб-порталдың барлық пайдаланушыларына!

Құрметті пайдаланушылар!

    «Мемлекеттік сатып алу туралы» Заңның 39-бабы 3-тармағының 27) тармақшасына сәйкес мемлекеттік сатып алу туралы шартты тікелей жасасу арқылы бір көзден алу тәсілімен мемлекеттік сатып алу монополияға қарсы органның ұқсас тауарларды, жұмыстарды, көрсетілетін қызметтерді өндіруді жүзеге асыратын жеке кәсіпкерлік субъектілерінің жоқтығы туралы қорытындысы болған кезде тиісті өкілеттіктері, оның ішінде мемлекеттік органның өкілеттіктері Қазақстан Республикасының заңдарында, Қазақстан Республикасы Президентінің жарлықтарында белгіленген, дауыс беретін акцияларының (жарғылық капиталға қатысу үлестерінің) бір жүз пайызы мемлекетке тиесілі акционерлік қоғамдардан, жауапкершілігі шектеулі серіктестіктерден және өзі оларға қатысты Қазақстан Республикасының мемлекеттік мүлік туралы заңнамасына сәйкес басқаруды жүзеге асыратын мемлекеттік кәсіпорындардан тауарларды, жұмыстарды, көрсетілетін қызметтерді мемлекеттік органның сатып алған жағдайда жүзеге асырылады.

    Монополияға қарсы органның ұқсас тауарларды, жұмыстарды, көрсетілетін қызметтерді өндіруді жүзеге асыратын жеке кәсіпкерлік субъектілерінің жоқтығы туралы қорытындысының болуы жөніндегі талап ұлттық қауіпсіздік органдарының, сайлау комиссияларының қызметін қамтамасыз ететін ұйымдардан тауарларды, жұмыстарды, көрсетілетін қызметтерді сатып алуға қолданылмайды.

    Мемлекеттік сатып алу туралы заңнаманың талаптарын ескере отырып, өнім берушілердің тізбесін өзектендіру, сондай-ақ Заңның 39-бабы 3-тармағының 27) тармақшасы шеңберінде шарттардың заңды түрде жасалуын қамтамасыз ету мақсатында Қаржы министрлігіне 2023 жылғы 1 мамырға дейінгі мерзімде ұқсас тауарларды, жұмыстарды, көрсетілетін қызметтерді өндіруді жүзеге асыратын жеке кәсіпкерлік субъектілерінің болмауы туралы монополияға қарсы органның қорытындысын ұсыну қажет.

    Бұл ретте, тізімді өзектендіру бойынша жүргізілген жұмыстың нәтижелері бойынша 2023 жылғы 1 мамырдан бастап монополияға қарсы органның тиісті қорытындыларын ұсынбаған өнім берушілер Заңның 39-бабы 3-тармағының 27) тармақшасы шеңберінде тапсырыс берушілер мемлекеттік сатып алу туралы шарт жасасуға құқылы өнім берушілер тізбесінен шығарылатынын атап өтеміз.

    Өнім берушілерді тізімге енгізуге арналған өтінімдерді қоса беріліп отырған нысан бойынша толтырылған мәліметтері бар ресми хаттар және монополияға қарсы органның тиісті қорытындысының қосымшасы негізінде Министрлікке ұсыну қажет.