Құрметті веб-портал пайдаланушылары!

Азаматтық кодекстің (бұдан әрі – Кодекс) 115-бабының 3-тармағына сәйкес жеке мүлiктiк емес игiлiктер мен құқықтарға: жеке адамның өмiрi, денсаулығы, қадiр-қасиетi, абырой, игi атақ, iскерлiк бедел, жеке өмiрге қол сұқпаушылық, жеке құпия мен отбасы құпиясы, есiм алу құқығы, автор болу құқығы, шығармаға қол сұқпаушылық құқығы және басқа материалдық емес игiлiктер мен құқықтар жатады.

Кодекстің 116-бабының 4-тармағына сәйкес, заң актілерінде белгіленген жағдайларды қоспағанда, жеке мүліктік емес игіліктер мен құқықтар иеліктен шығарылмайды және өзге тәсілмен берілмейді.

Өз кезегінде, мемлекеттік сатып алу туралы заңнамада қайта ұйымдастыру нәтижесінде алынған әлеуетті өнім берушінің жұмыс тәжірибесін беру және есепке алу көзделмеген.

Осылайша, Кодекстің талаптарына сәйкес, әлеуетті өнім берушінің тәжірибесі иеліктен шығарылмайды және берілмейді, себебі ол жеке мүліктік емес құқықтар мен игіліктерге қатысты.

Осыған байланысты, 2023 жылғы 5 қаңтарда веб-порталда «Ашық конкурс» және «Құрылыс-монтаж жұмыстары» және «Жобалау жұмыстары» белгілері бар «Рейтингтік-балдық жүйе пайдаланылатын конкурс» тәсілімен сатып алу қорытындылары туралы хаттаманы қалыптастыру кезінде форматтық-логикалық бақылауды белгілеу бөлігінде пысықтау жүзеге асырылды.

Егер сатып алу қорытындыларының хаттамасын қалыптастыру кезеңінде қатысуға өтінімдерде «Қайта ұйымдастырылды» белгісі бар әлеуетті өнім берушілердің жұмыс тәжірибесі бойынша мәлімет болған жағдайда, жүйе қайта ұйымдастыру түріне тексеру жүргізетін болады.

Бұл ретте, егер «Қайта ұйымдастырылды» белгісімен жұмыс тәжірибесі «Бірігу», «Бөліну», «Қосу», «Бөліну» қайта ұйымдастыру түрімен болатын болса, онда «Қайта құру» қайта ұйымдастыру түрін қоспағанда, жүйе осы мәлімет бойынша шартты жеңілдікті ескермейді.