Уважаемые пользователи!

2022 жылғы 27 тамыздан бастап мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру қағидаларындағы өзгерістерге байланысты, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етумен байланысты тауарларды сатып алу бойынша мынадай пысықтаулар ауыстырылғанын хабарлаймыз:

1. Хабарландыруды жариялау шарттарын өзгерту бөлігінде «Сатып алу» модулін түрлендіру. Хабарландыруды ұйымдастырушы жұмыс күндері сағат 09:00-ден бастап 18:00-ге дейін орналастырады.

2. «Тәрбиеленушілер мен білім алушыларды тамақтандыруды ұйымдастыру бойынша қызметтерді сатып алу бойынша конкурс» тәсілімен сатып алудағы «Конкурстық құжаттаманы дайындау» қадамында «Техникалық тапсырмаға» 3-қосымшада «Перспективалық тарату мәзірі/Тағамдардың ассортименттік тізбесі / Тағамдардың технологиялық карталары» деген өрістің атауы өзгертілді.

3. Қызметтер үшін - Қызметтер берушіні таңдау өлшемшарттары (7-қосымша) және Қағидаларға сәйкес тауарлар үшін - Тауарлар берушіні таңдау өлшемшарттары (8-қосымша) жаңартылды.

Назар аударыңыз! Қызмет берушіні таңдау өлшемшарттары бойынша есептеу Жұмыс тәжірибесі бөлігінде мынадай нысан бойынша жүргізіледі:

- Мемлекеттік орта білім беру ұйымдарында білім алушылар мен тәрбиеленушілерді тамақтандыруды ұйымдастыру бойынша жұмыс тәжірибесі (5 балдан аспайды, Ұйымдастырушы толтырады).

- Басқа қоғамдық тамақтану объектілерінде тамақтандыруды ұйымдастыру бойынша жұмыс тәжірибесі (5 баллдан аспайды, Ұйымдастырушы толтырады).

- Алдыңғы 5 жылдағы қызмет көрсету нарығындағы жұмыс тәжірибесі (Жалпы балл) - (5 баллдан аспаса, Жүйе толтырады) - жүйе «Мемлекеттік орта білім беру ұйымдарында білім алушылар мен тәрбиеленушілердің тамақтануын ұйымдастыру бойынша жұмыс тәжірибесі» және «Басқа қоғамдық тамақтандыру объектілерінде тамақтандыруды ұйымдастыру бойынша жұмыс тәжірибесі» өрістерін қосады және 5 баллдан аспайтын мәнді шығарады.

4. Шағым беру функционалы өзгертілді, жүйе шағымдану кезеңіне «Қайталама» немесе «Өткізілмеген сатып алу бойынша бір көзден сатып алу» типімен «Сатып алу болған жоқ» лот мәртебесі кезінде және өнім берушілерден өтінімдер болған кезде сатып алуды құру мүмкіндігін, сондай-ақ «Сатып алу өтті» лот мәртебесі кезінде қорытындылар хаттамасы жарияланған күннен кейінгі 5 жұмыс күніне шарт жасау мүмкіндігін бұғаттайды.

Назар аударыңыз! Өтінімдер болмаған жағдайда, жүйе «Бірінші/Қайталама» немесе «Өткізілмеген сатып алу бойынша бір көзден сатып алу» типімен сатып алуды құруды бұғаттамайды.