Әлеуетті өнім берушілердің барлығына!!! Мемлекеттік қызметтердің веб-порталын пайдалану (қол жеткізу) қызметіне төлем жүргізу бойынша жаңалық

2019 жылғы 31 желтоқсанда сағат 09.00 (Нұр-Сұлтан қаласының жергілікті уақыты бойынша) мемлекеттік қызметтердің веб-порталын пайдалану (қол жеткізу) қызметіне төлем жүргізу (бұдан әрі - Қызмет) бойынша 2019 жылға шарт жасасу жабылатын болады. Осыған байланысты, егер сіз сатып алуға 2019 жылы қатысуды жоспарласаңыз, Сізге 2019 жылғы 31 желтоқсанға дейін (Нұр-Сұлтан қаласының жергілікті уақыт бойынша) 2019 жыл үшін қызметтерді төлеу бойынша шарттарды жасау қажет.

2020 жылға Қызметтерді төлеу бойынша шарттар жасасу 2020 жылдың 1 қаңтарынан бастап қолжетімді болады.

Бұл ретте ақшалай қаражатты қолма-қол ақшасыз төлеммен мемлекеттік сатып алу операторының банктік шотына аудару өзгеріссіз қолжетімді екендігін атап өтеміз. Аударылған ақша қаражаты 2020 жылы Қызметке төлем жүргізу үшін пайдалануға болатын сіздің электрондық әмияныңызда көрсетіледі.